هێڵی هێرشبەریی یانەی لیڤەرپوڵ لە کیشوەری ئەوروپا لەڕووی داتا و ئامارەکانەوە، باشترین پلەیان لەنێو سەرجەم یانە گەورەکانی دیکە بەدەستهێناوە.
لیڤەرپوڵ تەنها هەشت یاری لە بردنەوەی چوار ناسناوە گەورەکەوە دوورە، خاوەنی پێکهاتەیەکی هێرشبەریی ناوازەن، پێکهاتووە لە کۆکراوەیەک لە محەممەد سەڵاح، سادیۆ مانێ، ڕۆبێرتۆ فێرمینۆ، دیێگۆ جۆتا، لویس دیاز، کە لە کۆی 34 یاریدا 86 گۆڵیان تەنها لە خولی نایابی ئینگلتەرا تۆمار کردووە.
گۆڵکاری یانەکە محەممەد سەڵاحە بە تۆماری 22 گۆڵ، لە پلەی دووەم و سێیەمدا دیێگۆ جۆتا و سادیۆ مانێ دێن بە 15 بە 14 گۆڵەوە.
پاڵپشت بە پۆلبەندییەک کە لەلایەن ماڵپەڕی (Four Four Two) ئەنجامدراوە، بەهێزترین هێڵەکانی هێرشبردن لەم وەرزەدا بەپێی یانە بەم شێوەیە بووە:
- لیڤەرپوڵ
- بایرن میونشن
- مانچستەر سیتی
- پاریس سان جێرمان
- ڕیاڵ مەدرید
- تۆتنهام
- لایپزیک
- ئەتلەتیکۆ مەدرید
- بەرشلۆنە
- چێڵسی
