سەرۆكی هەڵبژێردراوی فەرەنسا لە وتەیەكدا سوپاسی گەلی فەرەنسا دەكات و دەڵێت، “كار بۆ ئەوە دەكەین ئەوروپا بەهێزتر بكەین “.
ئیمانوێل ماكرۆن، سەرۆكی هەڵبژێردراوی فەرەنسا وتەیەكی لەبەردەم لایەنگرانیدا پێشكەشكرد و ڕایگەیاند، “سوپاسی گەلی فەرەنسا دەكەم كە بۆ جارێكی دیكە متمانەیان بە من بەخشییەوە و زۆرینە دەنگیان پێدامەوە”.
ئاماژەی بەوە كرد،” پێكەوە ئەوروپا بەهێزتر دەكەين و بەسەر كێشەكاندا زاڵدەبين و ساڵانی داهاتوو زۆربەی ئەو ئاستەنگانەی هاتوونەتە پێش كار بۆ لابردنیان دەكەين”
ئەمشەو، ئیمانوێل ماكرۆن بۆ جاری دووەم وەك سەرۆكی فەرەنسا هەڵبژێردرایەوە و بەپێی ئەنجامە بەراییەكانی هەڵبژاردن تائێستا 58% ی دەنگەكانی مسۆگەركرد.
ئاماژە بەوەكراوە. مارین لوپێن، كاندیدی پارتی ڕاستڕەوی گردبوونەوەی فەرەنسی، تائێستا تەنها 41.8%ی دەنگەكانی بەدەستهێناوە و شكستیهێنا لە گەیشتن بە كۆشكی ئێلیزێ.
