خۆپیشاندانەكانی فەڕەنسا بەردەوامییان هەیە

فەڕەنسییەكان بەردەوامن لە خۆپیشاندان و سوورن لەسەر ڕەتكردنەوەی یاسای “ئاسایشی گشتگیر”، كە بە دژی ئازادییەكان ناوی دەبەن.

ئەمڕۆ شەممە 12ی كانونی یەكەم، لە بەشێكی شارەكانی فەڕەنسا هاوڵاتییانی ئەو وڵاتە ڕژانەوە سەر شەقام و جارێكی دیكە ناڕەزایەتییان دژ بە یاسای “ئاسایشی گشتگیر” دووپات كردەوە.

لە پاریسی پایتەختی ئەو وڵاتە، كاتژمێر یەك بە كاتی فەڕەنسا هاوڵاتییان ڕژانە سەر شەقامەكان و لە گۆڕەپانی شاتلییەوە ڕێپێوانیان ئەنجامدا و بەرەو گۆڕەپانی كۆماری بەڕێكەوتن.

خۆپیشاندانەكانی ئەمڕۆ درێژەی ئەو خۆپیشاندانانەیە كە لە چوارشەممەی ڕابردووەوە لەو وڵاتە دەستی پێكردووە بۆ ڕەتكردنەوەی ئەو یاسایەی دەركراوە و داوا دەكەن، “یاسای ئاسایشی گشتگیر ڕابگیرێت و كاری پێنەكرێت”.

لە خۆپیشاندانەكانی ئەو وڵاتە توندوتیژی ڕویدا و هێزە ئەمنییەكان و خۆپیشاندەران ڕوبەڕووی یەك بوونەوە.

بابەتی پێشتر

سیستمی دابینكردنی ئۆكسجینی وێستگەی بۆشایی ئاسمان لەكاردەكەوێت

بابەتی دواتر

لە باڵەكایەتی هەڕەشەی خۆپیشاندان دەكرێت.. "دەبێت گەنجەكانمان ئازاد بكرێن"

بابەتی پەیوەندیدار
Total
9
Share