ئاژانسی ناسا ڤیدیۆیەكی دەگمەنی بڵاوكردەوە كە چۆنیەتی خۆرگیران لەسەر هەسارەی مەریخ دەردەخات.
سایتی (سینس ئەلێرت) لەسەر ڤیدیۆكە دەڵێت، “وای دابنێ لەسەر ڕووی مەریخ-یت و ئەو خۆرگیرانە بەچاوی خۆت دەبینیت”.
ڤیدیۆكە لەڕێی یەكێك لە كامێراكانی وێستگەكانی سەر بە ناسا گیراوە و، تیایدا مانگی “فۆبۆس – Phobos” هاوشێوەی پەتاتەیەك دەردەكەوێت كە بە بەردەم خۆردا تێدەپەڕێت، ئەوەش لە ناوچەی (جیزیرۆ كریتر) لەسەر مەریخ.
وێستگەكە كامێرای (Mastcam-Z)ی توانا بەرزی بەكارهێناوە بۆ وێنەگرتنەكە، ناسا دەڵێت، ڤیدیۆكە گەورەترین و ڕوونترینە دەربارەی خۆرگیرانی فۆبۆس لەسەر ڕووی مەریخ.
خۆرگیرانەكە لە 2ی نیسانی 2022 ڕوویدا و نزیكەی 40 چركەی خایاندووە.
ئەو كاتەی فۆبۆس دەیەوێت بۆ خۆرگیران، كاتێكی زۆر كەمترە بە خۆرگیرانی پەیوەندیدار بە مانگی زەوی، بەهۆی ئەوەی فۆبۆس بچوكترە بە نزیكەی 157 جار لە مانگ.
