جێگری یەكەمی سەرۆكی ئەنجومەنی نوێنەرانی عێراق ڕایدەگەیەنێت، لەگەڵ وەزارەتی نەوتی عێراق و خاوەنی بەنزینخانە ئەهلییەكان ڕێككەتوون بۆ كردنەوەی بەنزینخانەكان بە ڕووی شۆفێراندا و كۆتایی بە كێشەی كەمی بەنزین دەهێندرێت.
حاكم زاملی، جێگری یەكەمی ئەنجومەنی نوێنەرانی عێراق بڵاویكردووەتەوە، لەگەڵ وەزارەتی نەوتی عێراق ڕێككەوتوون بەنزینی زیاتر بۆ بەنزینخانەكان دابینبكرێت و جیاوازی نەكرێت لە نێوان بەنزینخانە ئەهلییەكان و حكومییەكاندا بڕێكی زیاتر بەنزین بۆ بەنزینخانەكان لەلایەن وەزارەتی نەوتی عێراقەوە دابیندەكرێت.
بەهۆی دابیننەكردنی بەنزینی پێویست بۆ بەنزینخانە ئەهلییەكان لە دوێنێ چوارشەممەوە، لە زۆربەی پارێزگاكاندا خاوەنی بەنزینخانە ئەهلییەكان بەنزینخانەكانیان داخست و بەوەش كێشەی كەمی سووتەمەنی سەریهەڵدا.
