پەرلەمانتارێكی پێشوو ڕایدەگەیەنێت، ناكۆكییەك لەنێوان سەرۆكی ئەنجومەنی نوێنەران و جێگری سەرۆكی ئەنجومەنەكە هاوپەیمانیی سێقۆڵی خستووەتەبەر هەڕەشەی هەڵوەشاندنەوە.
مشعان جبوری، پەرلەمانتاری پێشووی عێراق و سەرۆكی حزبی وەتەن لە تویتێكدا بڵاویكردەوە، ناكۆكی لەنێوان حاكم زاملی، جێگری سەرۆكی ئەنجومەنی نوێنەرانی عێراق لەگەڵ محەمەد حەلبوسی، سەرۆكی ئەنجومەن هەیە، زاملی سوورە لەسەر ئەوەی بەشێكە لە دەستەی سەرۆكایەتی، نەك جێگری سەرۆك.
بە وتەی ئەو ناكۆكییەكەی نێوان زاملی و حەلبوسی “هەڕەشەی هەڵوەشاندنەوە لە هاوپەیمانیی (ڕزگاریی نیشتمان) دەكات” ئەگەر موقتەدا سەدر دەستێوەردان نەكات.
دەستەواژەی دەستەی سەرۆكایەتی بەهیچ جۆرێك لەدەستووردا نەهاتووە، دادگای فیدراڵی-یش دووپاتیكردووەتەوە لەسەر نەبوونی هیچ شتێك بەناوی “دەستەی سەرۆكایەتیی ئەنجومەنی نوێنەران، بەڵكو سەرۆك و جێگرەكەی هەن!”، وەك ئەوەی جبوری ئاماژەی پێداوە.
لە 23ی ئازاری ڕابردوو هەرسێ فراكسیۆنی سەدر، بەشێك لە سوننەكان و پارتی پێكهێنانی هاوپەیمانیی (ڕزگاریی نیشتمان)یان ڕاگەیاند و ئاشكرایانكرد، كاندیدەكانیان ڕێبەر ئەحمەد بۆ پۆستی سەرۆك كۆمار و محەمەد جەعفەر سەدرە بۆ پۆستی سەرۆكی ئەنجومەنی وەزیران.
تنازع الزاملي مع الرئيس الحلبوسي واصراره على انه جزء من هيئة رئاسة وليس نائباً للرئيس يهدد تحالف “انقاذ وطن” بالتصدع ان لم يتدخل السيد الصدر
علماً ان وصف هيئة الرئاسة لم يرد مطلقا في الدستور، و المحكمة الاتحادية أكدت عدم وجود شيء اسمه هيئة رئاسة مجلس النواب، وانما رئيس ونائباه! pic.twitter.com/fRVxaqjDGL— مشعان الجبوري (@mashanaljabouri) April 4, 2022
