ئاژانسی هەواڵی سوریا بڵاویكردەوە لە ئاكامی بۆردومانێكی سەربازیی ئیسرائیل بۆ سەر سوریا سێ سەرباز كوژراون.
ئاژانسی هەواڵی ڕژێمی سوریا (سانا) ئەمڕۆ چوارشەممە 18ی تشرینی دووەم لەسەر زاری سەرچاوەیەكی سەربازییەوە ڕایگەیاند، هێرشە ئاسمانییەكە لە نزیك كاتژمێر 03:11ی بەرەبەیانی ئەمڕۆ لە بەرزاییەكانی جۆلانەوە بۆ سەر ناوچەكانی باشوور ئەنجامدراوە و سیستمی بەرگری ئاسمانی چەند مووشەكێكی خستووەتەخوارەوە.
بەپێی ئاژانسەكە هێرشەكە بووەتە هۆی كوژرانی سێ سەربازی سوری و برینداربوونی یەكێكی دیكە، سەرەڕای زیانی مادی.
لای خۆیەوە سوپای ئیسرائیل ئاشكرایكرد كە هێرشەكەی بۆ سەر ئامانجێكی سەربازیی سوری-ئێرانی بووە، وەك وەڵامدانەوەی چاندنی بۆمب لەسەر سنوری جیاكەرەوەی بەرزاییەكانی جۆلان.
