ئەمشەو یەکشەممە، لە یاریگای سانتیاگۆ بێرنابیۆ کلاسیکۆی قۆناغی دووەمی لالیگا ئەنجامدەدەرێت.
یانەی بەرشلۆنە بەتەواوی ئەستێرەکانیەوە بۆ ڕووبەڕووبوونەوەکە ئامادەیە، یانەی ڕیاڵ مەدرید-یش بەبێ کەریم بنزیمە و فێرلاند مێندی یاریدەکات.
ڕیاڵ مەدرید بە 66 خاڵەوە لوتکەی ڕیزبەندیی یانەکانی خوولی ئیسپانیای گرتووە، جیاوازییان لەگەڵ ئیشبیلییەی دووەمدا 10 خاڵە، هەروەها یانەی بەرشلۆنە بە 51 خاڵەوە لە پلەی سێیەمدایە.
دوو جەمسەرە زەبەلاحەکەی ئیسپانیا بەدرێژایی مێژوو 248 یارییان بەرامبەر بە یەکدی کردووە، ڕیاڵ مەدرید 100 بردنەوە و بەرشلۆنە 96 بردنەوەیان تۆمارکردووە، هەروەها لە 52 یارییشدا یەکسانبوون.
لە چێوەی یارییەکانی لالیگا، ڕیاڵ و بارسا 183 یارییان کردووە، زەبەلاحەکەی مەدرید 76 بردنەوە و کەتەلۆنییەکان 72 بردنەوەیان تۆمارکردووە، لە 35 یارییشدا یەکسانبوون.
