قوباد تاڵەبانی هێرشی سەر هەولێر، بە دەستدرێژی بۆسەر هەموو تاکێکی کورد وەسفدەكات، دەشڵێت، “هەولێر و هەموو هەرێمی کوردستان وەک چاومان دەپارێزین”.
دەقی پەیامەكەی قوباد تاڵەبانی:
هێرشە مووشەکییەکانی دژ بە شاری هەولێری خۆشەویست، تێکدانی ئاسایشی کۆمەڵانی خەڵکی کوردستانە و دەستدرێژییە بۆسەر هەموو تاکێکی کورد لە سەرانسەری دنیادا.
بەتوندی ئیدانەی ئەم هێرشانە دەکەین و ڕایدەگەیەنین، ئەم کارە لە شکۆی هەولێر کەمناکاتەوە و ئۆقرەیی و ناوبانگی ناشێوێنێت وەک پایتەختی گەشاوە و میواندۆستی هەرێمی کوردستان.
هەولێر و هەموو هەرێمی کوردستان وەک چاومان دەپارێزین.
هەر سەربەرز بێت شاری قەڵا و منارە
