وەزارەتى دارایى سبه‌ینێ ده‌ست به دابه‌شكردنى مووچه ده‌كات و سه‌ره‌تاش وه‌زاره‌تى ته‌ندروستی مووچه‌یان پێده‌درێت.
سه‌رچاوه‌یه‌كى ئاگادار له وه‌زاره‌تى دارایی و ئابوریی هه‌رێم، به تۆڕی میدیایی ئێستاى ڕاگه‌یاند، له كۆبوونه‌وه‌ى ئه‌مڕۆی ئه‌نجومه‌نى وه‌زیراندا بڕیاردراوه سبەینێ پێنجشەممە، دەست بە دابەشکردنى مووچەى مانگى شوبات بکرێت، بەبێ لێبڕین.
سه‌رچاوه‌كه‌ى وه‌زاره‌تى دارایی جه‌ختیشیكرده‌وه، 200 ملیۆن دۆلارى داهاتى نه‌وتى مانگى ئازار هێنراوە بۆ دابەشکردنى مووچەى مانگى دوو.
ئاشكراشیكرد، یەکەم شوێن وەزارەتى تەندروستى مووچه‌یان پێده‌درێت و یه‌كشه‌ممه‌ى داهاتووش مووچه‌ى وەزارەتى پێشمەرگە دابه‌شده‌كرێت.
ئه‌وه‌ش له‌كاتێكدایه، تاوه‌كو ئێستا مووچه‌ى مانگى 1ى خانه‌نشینانى مه‌ده‌نى دابه‌شنه‌كراوه.
