بەرپرسی بەشی پشكنین لە گەشتوگوزاری سلێمانی رایگەیاند، لە چەند رۆژی رابردووەوە تا ئەمڕۆ زیاتر لە 100 هەزار گەشتیار روویان لە سلێمانی كردووە.
ئاکۆ ئەحمەد بەرپرسی بەشی پشكنین لە گەشتوگوزاری سلێمانی بە تۆڕی میدیایی ئێستای راگەیاند، “لە چەند رۆژی رابردووەوە تا ئەمڕۆ زیاتر لە 100 هەزار گەشتیار روویان لە سلێمانی كردووە”.
ئاماژەی بەوەشکرد، “پێشبینیمان دەكرد تا كۆتایی جەژن 100 هەزار گەشتیار روو لە سلێمانی بكەن، بەڵام رێژەكە زیاترە و پێشبینیدەكرێت تاوەكو چوارەم رۆژی جەژن هاتنی گەشتیاران بۆ پارێزگای سلێمانی بەردەوامبێت”.
