بەرگریکاری یانەی چێڵسی-ی ئینگلیزی، ئەنتۆنیۆ ڕۆدیگێر لەڕێگەی لێپرسراوی کارەکانیەوە پەیوەندی لەگەڵ هەردوو یانەی ڕیاڵ مەدرید و پاریس سان جێرمان بەستووە.
بەپێی زانیارییەکانی “سکای سپۆرتس”، هاوینی 2022 گرێبەستی ڕۆدیگێر لەگەڵ چێڵسی کۆتاییدێت، تاوەکو ئەم ساتە بڕیار لە نوێکردنەوەی نەدراوە و یاریزانەکە بەدوای ئەزموون و چانسێکی نوێدا دەگەڕێت.
یانەکانی ڕیاڵ مەدرید و پاریس سان جێرمان خواستیان لەسەر گواستنەوەی نیشانداوە، پەیوەندییان بە لێپرسراوی کارەکانیەوە کردووە و تاوەکو ئێستا دانوستاندنی نێوان جەمسەرەکان بەردەوامە.
ڕۆدیگێری ئەڵمانی تەمەنی 28 ساڵە و لە پێگەکانی سەنتەری بەرگری و باڵی ڕاستی بەرگری یاریدەکات، بەدرێسی یانەی چێڵسییەوە 186 یارییکردووە، 10 گۆڵی تۆمارکردووە و حەوت گۆڵی ڕەخساندووە.
