قۆناغی پلەی ئۆفی یۆرۆپا لیگ كۆتایی هات و شانزە یانە سەركەوتنیان بەدەستهێنا و رۆژی هەینی كاتژمێر 2ی پاش نیوەڕۆ تیروپشك ڕادەكێشرێت.
یانەی بەرشلۆنە بە بردنەوەی لە یانەی ناپۆلی بە چوار گۆڵ بەرامبەر بە دوو گۆڵ یەكێكە لەو شانزە یانەیەی سەركەوتنی مسۆگەركردووە.
بەرشلۆنە بە ئاستێكی بەرزەوە بەرامبەر ناپۆلی دەركەوت و خۆی وەك ڕكابەرێكی سەرسەختی پاڵەوانێتییەكە پیشاندا.
لەو شانزە یانەیە ئەوانەی پاڵێوراوی سەرەكین بۆ بەدەستهێنانی ناسناوەكە بریتین لە یانەكانی بەرشلۆنە و سیڤیلیەی ئیسپانی و پۆرتۆی پورتوگالی و ئاتاڵانتای ئیتاڵی و لایبزیگی ئەڵمانی و لیۆنی فەڕەنسی.
چاودێران پێیانوایە هەرسێ یانەی سیڤیلیە و بەرشلۆنە و پۆرتۆ بەهێزترین پاڵێوراون بۆ بەدەستهێنانی ناسناوی یۆرۆپا لیگ.
بڕیارە ڕۆژی دوو شەممە تیروپشكی قۆناغی شانزەی یۆرۆپا لیگ ڕابكێشرێت.
