وەستایەکی دروستکردنی کێک و شیرنەمەنی لە ئەڵمانا بۆ گەڕاندەوەی خواست لەسەر بەرهەمەکانی وەک سەردەمی پێش بڵاوبوونەوەی کۆرۆنا لەو وڵاتە، دەستیکردووە بە دروستکردنی کێک لەسەر شێوەی تۆپەکلێنسی تەوالێت، کە لەئێستادا بەهۆی بڵاوبوونەوەی پەتای COVID-19 خواستێکی زۆری لەسەرە.
بەپێی هەواڵێکی ئاژانسی ڕۆیتەرز، فرۆشیارانی تۆپەکلێنسی تەوالێت وتوویانە خواست لەسەر ئەو بەرهەمە لە مانگی ئازار لە سەدا 700 لەچاو مانگی شوبات زیادی کردووە.
کۆرتیۆم بە تەلەڤزیۆنی “ڕۆیتەرز”ی وتووە، “بۆمان دەرکەوت کە دەبێت تۆپەکلێنسی تەوالێت دروست بکەین، بەڵام بۆ خواردن”.
کۆرتیۆم، کە دوکانەکەی لە شاری دۆرتمۆندە، بیرۆکەکەی سەرکەوتنێکی باشی بەدەستهێناوە، لەبەرئەوەی ڕۆژانە 200 پارچە کێک (لەسەر شێوەی تۆپەکلێنسی تەوالێت) دەفرۆشێت، کە پێشتر ئەو داواکارییە لەسەر کێک نەبووە (لە دوکانەکەی کۆرتیۆم).
وەستای کێکە وتووشیەتی، “موشتەرییەکان زۆریان حەز لێیە… زۆرینەی خەڵک لەم کاتە سەختانەدا چێژ لەو خۆشییە دەبینن”.
یەکێکیش لە موشتەرییەکان بە “ڕۆیتەرز”ی وتووە، “شازە… دوای ئەو هەموو شتەی بەهۆی کۆرۆناوە بینیمان… پێویستمان بە شتیکی شیرینی خۆشە”.
