سێ پەرلەمانتاری یەكێتی لەسەر ئاستی بازنەكانی سلێمانی پلەی یەكەم لە ئەنجامدانی زۆرترین چالاكیی پەرلەمانی بەدەستدەهێنن و لەسەر ئاستی پارێزگای سلێمانیش دوو پەرلەمانتاری یەكێتی پلەی دووەم و سێیەم بەدەستدەهێنن.
بەپێی دەیەمین راپۆرتی رێكخراوی كوردستان بۆ هەمووان، بەهاوكاریی رێكخراوی NED ی ئەمریكی تایبەت بەهەژماركردنی چالاكی و هەڵسەنگاندنی ساڵانە بۆ نوێنەرانی پارێزگای سلێمانی لەهەردوو ئەنجومەنی نوێنەرانی عێراق و ئەنجومەنی پارێزگای سلێمانی، سێ پەرلەمانتاری یەكێتی لەئەنجومەنی نوێنەرانی عێراق لەسەر ئاستی پێنج بازنەكەی سلێمانی پلەی یەكەمیان لەئەنجامدانی زۆرترین چالاكی پەرلەمانی بەدەستهێناوە.
بەپێی راپۆرتەكە، هەریەك لەپەرلەمانتارانی یەكێتی د. نەرمین مەعروف لەبازنەی 1ی سلێمانی و د. بڕیار رەشید لەبازنەی 2ی سلێمانی و كاروان یاروەیس لەبازنەی 5ی سلێمانی پلەی یەكەمیان بەدەستهێناوە.
