هه‌ڵبژارده‌ی سه‌نیگال یاریی کۆتایی جامی نه‌ته‌وه‌کانی ئه‌فریقای 2022ی له میسڕ برده‌وه و بۆ جاری یه‌که‌م له مێژوویدا جامه‌که‌ی به‌رزکرده‌وه.
ئه‌مشه‌و یه‌کشه‌ممه، له‌یاریگای پاول بیا له کامیرۆن، یاریی کۆتایی جامی نه‌ته‌وه‌کانی ئه‌فریقا له‌نێوان هه‌ڵبژارده‌کانی میسڕ و سه‌نیگال ئه‌نجامدرا، سادیۆ مانێ و هاوڕێیانی به‌لێدانی یه‌کلاکه‌ره‌وه بردنه‌وه‌یان تۆمارکرد و بۆ یه‌که‌م جار له مێژوودا جامی نه‌ته‌وه‌کانی ئه‌فریقایان به‌رزکرده‌وه.
کاتی یاسایی یارییه‌که به‌بێ گۆڵ کۆتاییهات، بۆیه باناچارییه‌وه په‌نا بۆ کاته زیادکراوه‌کان برا و له نیو کاتژمێری یه‌کلاکه‌ره‌وه‌دا هیچ یه‌کێک له جه‌مسه‌ره‌کان له تۆمارکردنی گۆڵدا سه‌رکه‌وتوو نه‌بوون.
به لێدانی یه‌کلاکه‌ره‌وه، هه‌ڵبژارده‌ی سه‌نیگال به ئه‌نجامی (4-2) سه‌رکه‌وتنی به‌ده‌ستهێنا.
