ئەمڕۆ یەکشەممە، یانەی ئینتەر میلان ڕوبەڕوبوونەوەی هەفتەی سێی خولی ئیتاڵیای ئەنجامدا و یەکسانبوونی تۆمارکرد.
ئینتەر میلانی پاڵەوانی وەرزی ڕابردووی کالچیۆ لە یاریگای لویجی فێراریس یاریی هەفتەی سێیەمی کالچیۆی بەرامبەر سامپدۆریا ئەنجامدا و بە ئەنجامی (2-2) یەکسانبوونی تۆمارکرد.
گۆڵەکانی نێراتزۆری لە خولەکەکانی 18 و 44 لەلایەن فیدیریکۆ دیمارکۆ و لاوتارۆ مارتینێزەوە تۆمارکران، دوو گۆڵەکەی سامپدۆریاش لە خولەکەکانی 33 و 47 لەلایەن مایا یوشیدا و تۆماس ئاوجیلیۆوە تۆمارکران.
بەپێی ئەنجامە تۆمارکراوەکە، ئینتەر میلان بە کۆکردنەوەی حەوت خاڵ و بەشێوەیەکی کاتیی پلەی دووەمی ڕیزبەندیی یانەکانی “سیریا ئەی” گرتەوە، یانەی سامپدۆریاش بە کۆکردنەوەی تەنها دوو خاڵ لە پلەی 13دا جێگیربوو.
