تیمی تۆرینتۆ ڕاپتەرز لەچێوەی یارییەکانی گەڕی 53ی (NBA)، بەبردنەوەی لە ئەتلانتا هوکس پێنجەم بردنەوەی لەسەریەکی لەم وەرزەدا تۆمارکرد.
لەچێوەی یارییەکانی خولی یانە پیشەگەرەکانی ئەمریکا، تیمی تۆرینتۆ ڕاپتەرز بەئەنجامی (125-114) بردنەوەی بەرامبەر ئەتلانتا هوکس تۆمارکرد، کە پێنجەم بردنەوەی لەسەریەک دەکات ڕاپتەرز لەم وەرزەدا تۆماریدەکات، هەروەها لە یارییەکەدا پاسکاڵ سیاکام و فرێد ڤان ڤلیت گەیشتنە ترۆپکی تواناکانیان و یەکەمیان 33 خاڵ و دووەمیان 26 خاڵی تۆمارکرد، کە ئەوەش بەرزترین ڕێژەی تۆماری دوو یاریزانەکەیە لەم وەرزی خولی یانە پیشەگەرەکان.
لەلایەکی دیکەوە تیمی چیکاگۆ بوڵز بەجیاوازیی حەوت خاڵ و ئەنجامی (122-115) بردنەوەی بەرامبەر ئیندیانا پیسەرز تۆمارکرد.
لە یارییەکەشدا نیکۆلا ڤوسیڤیچ لە تیمی بوڵز 36 خاڵ و 17 ڕیباوندی تۆمارکرد، دیمار دیروزانی هاوڕێشی 31 خاڵی تۆمارکرد و یانەکەیان بەرەو بردنەوەیەکی گرنگ برد.
ئەنجامەکانی دیکەش بەم جۆرە بوون:
چارلۆت هۆرنێتس 101-102 کلیڤلاند کاڤالێرز
دیترۆیت پیستۆنز 93-102 بۆستن سێڵتیکس
ئیندیانا پیسەرز 115-122 چیکاگۆ بوڵز
تۆرنتۆ ڕاپتەرز 125-114 ئەتلانتا هوکس
سان ئەنتۆنیۆ سپێرز 131-106 هیوستن ڕۆکێتس
یوتا جاز 125-102 برۆکلین نێتس
دێنڤەر ناگێتس 105-113 نیو ئۆرلیانز پیلیکانز
پۆرتلاند ترەیڵ بلایزەرز 93-96 ئۆکلاهوما سیتی ساندەر
داڵاس ماڤرێکس 107-98 فیلادلفیا سێڤنتی سیکسەرز
