لەسەر داوای یانەی ڕیاڵ مەدرید، ڕاهێنەری هەڵبژاردەی بەرازیل بڕیاریداوە بەشێوەی یەدەگ پشت بەتواناکانی دوو یاریزانی ئەو یانەیە ببەستێت.
بەپێی زانیارییەکانی “گڵۆبۆ ئیسپۆرت”ی بەرازیلی، یانەی ڕیاڵ مەدرید لەسەر خواستی کارلۆ ئەنچلۆتی داواکارییەکی ئاراستەی فیدراسیۆنی تۆپی پێی بەرازیل کردووە، داوا لە فیدراسیۆنەکە دەکەن هەریەک لە کاسیمێرۆ و ڤینیسیۆز لە پێکهاتەی هەڵبژاردەکە بۆ ڕووبەرووبوونەوەی پاراگوای دووربخرێنەوە، داواکارییەکەش پەسەندکراوە.
ڕێکەوتی 2ی شوباتی 2022 هەڵبژاردەی بەرازیل یاریی پێش کۆتایی پاڵاوتنەکانی کیشوەری ئەمریکای لاتین بەرامبەر پاراگوای ئەنجامدەدات، یاریزانانی یانەی شاهانە کە پێکهاتوون لە: ئیدێر میلیتاو، ڤینیسیۆز جونیۆر، ڕۆدریگۆ، کاسیمێرۆ، ناچارن بۆ ڕۆژی دواتر (3ی شوبات) بەپەلە بگەڕێنەوە بۆ مەدرید و بەشداریی یاریی نێوان یانەکەیان و یانەی ئەتلەتیک بلباو بکەن لە چێوەی یارییەکانی قۆناغی چارەکی کۆتایی جامی شای ئیسپانیا.
