دوای دووبارە دەستبەسەرکردنەوەی لەلایەن دەسەڵاتی ئوسترالیاوە، سەرۆکی سڕبیا بەتوندی هێرشیکردەسەر حکومەتی ئوسترالیا و بە خراپ مامەڵەکردن لەگەڵ کەسایەتییەکی وەرزشی تۆمەتباریکردن.
دوای ڕێگەپێدانی لەلایەن دادگای میلبۆرن و گەڕانەوەی بۆسەر یەکەی مەشقوڕاهێنانە ئامادەکارییەکان بۆ پاڵەوانێتیی ئوسترالیای کراوە، جارێکی دیکە حکومەتی ئوسترالیا بڕیاری دەستبەسەرکردنی نۆڤاک دیۆکۆڤیچ، ئەستێرەی جیهانیی بواری تێنسی سەرزەوی دەرکرد.
لەو بارەیەوە سەرۆکی سڕبیا، ئەلیکساندەر فوسیچ لە تۆڕی کۆمەڵایەتیی ئینستاگرامەوە نووسیویەتی، “بۆچی بە خراپیی مامەڵەدەکەن و سووکایەتی پێدەکەن؟ نۆڤاک بە تەنها نییە، بەڵکو خێزانەکەی و نیشتمانێکی ئازاد و شانازیکەر پشتیوانین”.
دیۆکۆڤیچ تاوەکو ئێستا هیچ ژەمە ڤاکسینێکی بەکارنەهێناوە، بەپێی یاساکانی ئوسترالیا هیچ کەسێک ڕێگەپێدراونییە بەبێ بەکارهێنانی ڤاکسین بەشداریی چالاکییە وەرزشییەکان بکات، بەو هۆیەوە “نۆلیتۆ” لە فڕۆکەخانەی میلبۆرن دەستبەسەرکرا و ئێستا لە هۆتێلی “هوتێل پارک” بۆ جاری دووەم دەستبەسەرکراوە.
