ماوریسۆ پۆچتینۆ، ڕاهێنەری پاریس سانجێرمان، پێیوایە تیپەكەی شایستەی بردنەوە و بەدەستهێنانی سێ خاڵی یارییەكەی نیس بووە.
لە خولی فەرەنسا، پاریس سان جێرمان لەناو یاریگای خۆی بە بێ گۆڵ لەگەڵ یانەی نیس یەكسان بوو.
پێش یارییەكە ئیدارەی پاریس لەبەردەم هاندەرانیدا ڕێزی لە مێسی و دۆناڕوما گرت، كە خەڵاتی تۆپی ئاڵتونی باشترین یاریزان و باشترین گۆڵپارێزیان لەلایەن فرانس فوتبۆڵەوە پێدرا.
پۆچتینۆ دوای یارییەكە ڕایگەیاند، “تیپەكەی لە ناو یاریگادا باشتر دەركەوتووە و شایستەی بردنەوە بوون”.
ڕاهێنەرەكەی پاریس هۆكاری ئاڵوگۆڕپێكردنی كیمپیپی-ی بەرگریكاری تیپەكەی بۆ ئەوە گەڕاندەوە تووشی پێكانێكی سووك بووە، بۆیە لە تایمی دووەمدا دانیشێنراوە.
پۆچتینۆ خۆشحاڵە بەوەی تیپەكەی ڕۆژ لەدوای ڕۆژ باشتر دەبێت و لێكتێگەیشتنی زیاتر لەنێوان یاریزانەكان دروستدەبێت.
