هێزەكانی بەرگریی ئاسمانی عێراق فڕۆكەیەكی بێفڕۆكەوانیان خستەخوارەوە كە هەوڵیدەدا لە بنكەی عەین ئەسەد نزیك ببێتەوە.
شانەی ڕاگەیاندنی ئەمنیی عێراق ڕایگەیاند، بەرگریی ئاسمانی فڕۆكەیەكی بێفڕۆكەوانی سەرچاوە نادیاری خستووەتەخوارەوە، كە هەوڵیداوە لە بنكەی عەین ئەسەدی سەر بە فەرماندەیی هێزی ئاسمانیی عێراق نزیك ببێتەوە.
ئاماژەی بەوەشكرد، فڕۆكەكە لە دەرەوەی بنكەكە خراوەتە خوارەوە.
ئەوەش لەكاتێكدایە ئێوارەی دوێنێ بنكەكە بە پێنج مووشەك هێرشیكرایەسەر، بەبێ ئەوەی هیچ یەكێكیان لەناویدا بكەوێتە خوارەوە.
عەین ئەسەد دووەم گەورە بنكەی ئاسمانییە لە عێراق لەدوای بنكەی بەلەد.
