كەشناسیی هەرێمی كوردستان پێشبینییەكانی کەشوهەوای ئەمڕۆ و سبەینێی شارەکانی هەرێمی کوردستانی بڵاوکردەوە، جگە لە باران بارین، بەفر لە ناوچە شاخاوییەکان دەبارێت.
بەپێی پێشبینییەکانی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، ئەمڕۆ و سبەی لەگەڵ کەشوهەوای سارد و هەوراوی، باران بارین بەردەوام دەبێت و لەناوچە شاخاوییە بەرزەکان بەفر دەبارێت.
هەروەها كەشناسی بڕی بارانبارینی لە ناوچەکانی هەرێمی کوردستان لەماوەی 24 کاتژمێری ڕابردوودا بڵاوکردووەتەوە، لە هەولێر 7.5 ملم باران باریوە، لە سلێمانی 10.5 ملم و لە دهۆک 5.9 ملم باران باریوە.
بەپێی کەشناسیی هەرێم، زۆرترین بڕی باران لە یاخسەمەر-ی سلێمانی باریوە، کە بڕەکەی 40.2 ملم بووە و لە قەزای خەبات-ی هەولێریش کەمترین بڕ باریوە، کە سێ ملم بووە.
