پێگەی Holy Wood Reporter ئاشکرایکرد، فیلمی (WEST SIDE STORY)، کە لە دەرهێنانی ستیڤن سپیلبێرگە، لە هەریەکە لە وڵاتانی سعودیە، قەتەر، ئیمارات، بەحرەین، عومان و کوەیت ڕێگەپێدانی بۆنەکراوە نمایش بکرێت، هۆکارەکەشی بۆ بوونی گۆڕینی ڕەگەز لە بەشێکی فیلمەکەدا گەڕێنراوەتەوە.
بەپێی پێگەکە، هەریەکە لە سعودیە و کوەیت ڕەزامەندییان نەداوە بۆ نمایشکردنی فیلمەکە، بەڵام وڵاتەکانی دیکە داوای ئەوەیانکردووە ئەو گرتانەی گۆڕینی ڕەگەزیان تێدایە، لە فیلەمەکە دەربهێنرێت، بەڵام کۆمپانیای Walt Desney ئەو داوایەی ڕەتکردووەتەوە.
پێگەی Holy Wood Reporter ئاشکرایکردووە، هۆکاری قەدەغەکردنی فیلمەکە بەڕوونی دیارنییە، بەڵام بەپێی داواکارییەکەیان بۆ هەڵگرتنی ئەو گرتانە، هۆکارەکەی بۆ بوونی گرتەی گۆڕینی ڕەگەز لە فیلمەكەدا دەگەڕێتەوە.
زۆرینەی ئەو فیلمانەی پەیوەندیدارە بە هاوڕەگەزخوازانەوە، لە وڵاتانی کەنداو سانسۆری زۆر توندی لەسەرە، بەڵام پرسی گۆڕینی ڕەگەز بابەتێکی تەواو نایاساییە و ڕەتكراوەیە.
لەماوەی ڕابردوودا فیلمی Eternals لەلایەن سعودیە و وڵاتانی كەنداوەوە ڕێگری لە نمایشکردنی کرا، هۆکارەکەشی بۆ بوونی گۆڕینی ڕەگەز لەو فیلمەدا گەڕێنرایەوە، کە ئەنجێلینا جولی-ی ژنەئەکتەری بەناوبانگی ئەمریکی ڕۆڵی سەرەكیی دەگێڕا.
