ئه‌مشه‌و یارییه‌کانی هه‌فته‌ی 14ی خولی پله یه‌کی ئیسپانیا ئه‌نجامدران، یانه‌ی ڕیاڵ مەدرید بردنه‌وه‌ی بەرامبەر غەڕناتە تۆمارکرد.
لەچێوەی یارییەکانی هەفتەی 14ی لالیگا و له یاریگای نویڤۆ لۆس کارمینێس، یاریی نێوان ڕیاڵ مەدرید و غەڕناتەی خاوەن یاریگا ئەنجامدرا، یارییه‌که‌ش به بردنه‌وه‌ی لۆس بلانکۆس به ئەنجامی چوار گۆڵ بەرامبەر بە گۆڵێک کۆتاییهات.
گۆڵەکانی ڕیاڵ لە خولەکەکانی 19، 25، 56، 76 لەلایەن مارکۆ ئاسینسیۆ، ناچۆ فێرناندێز، ڤینیسیۆز جونیۆر و فێرلاند مێندی-یەوە تۆمارکران، تاکە گۆڵەکەی غەڕناتە لە خولەکی 34 لەلایەن لویس سوارێزەوە تۆمارکرا.
به‌پێی ئه‌نجامه تۆمارکراوه‌که، یانه‌ی ڕیاڵ مەدرید به کۆکردنه‌وه‌ی 30 خاڵ و بەشێوەیەکی کاتی گەڕایەوە لوتکەی ڕیزبەندیی یانەکانی لالیگا، له به‌رامبه‌ردا یانەی غەڕناتە بە به 11 خاڵه‌وه بۆ پله‌ی 18 دابەزی.
