وەزارەتی بەرگریی پۆڵەندا ئاشکرایکرد، گروپێک لە کۆچبەران لە ناوچەی “کوزنیسا لە بیلاڕوسیاوە، خۆیان گەیاندووەتە پۆڵەندا”.
وەزارەتی بەرگریی پۆڵەندا ڕایگەیاند، “ئەو کۆچبەرانە لە بیلاڕوسیاوە خۆیان دزیوەتەوە و خۆیان گەیاندووەتە خاکی پۆڵەندا، دواتر لەلایەن پۆلیسی سەر سنوورەوە دەستگیرکراون”.
ماوەی هەفتەیەکە هەزاران کۆچبەر، کە زۆرینەیان کوردن، لە سنوورەکانی بیلاڕوسیا – پۆڵەندا لەناو دارستانەکاندا ماونەتەوە و چاوەڕێی هاوکاری و تێپەڕبوون دەکەن لە سنوورەکان.
دۆخی کۆچبەران بەهۆی سەرمای ناوچەکەوە خراپە و ڕۆژانە لەڕێگای ڤیدیۆ و پەیامەوە داوای هاوکاریی بەپەلە دەکەن، بەتایبەت بۆ ئەو منداڵانەی لەگەڵیاندان.
