شاڵاو هیدایەت، شارەزای بواری كەشناسی لە لێدوانێكدا بە تۆڕی میدیایی ئێستای راگەیاند، بەهۆی گەیشتنی بەشێكی دیكەی شەپۆلی دەریای ناوەڕاست و تێكەڵبوونی شێی دەریای سوور لە ئێستا و بەدواوە دابارین دەستپێدەكاتەوە و لە كاتژمێرەكانی داهاتوودا سەرجەم ناوچەكان دەگرێتەوە.
وتیشی، ” لە ناوچە شاخاوییە بەرزەكان و ناوچە سنوورییەكان بەفر دەبارێت و ئەگەری هەورە بروسكەش لە ناوچە گەرمەكان هەیە و سبەی شەو و بەرەبەیانییەكەشی ئەگەری تەمومژ هەیە ئەوەش بەهۆی بەرزیی شێ و نزمی پلەكانی گەرماوە”.
دەشڵێت،”سبەی ئێوارە كاریگەریی شەپۆلەكە كەمدەبێتەوە و لە 29ی ئەم مانگەشەوە كەشوهەوا سەقامگیر دەبێتەوە، بەڵام پلەكانی گەرمیی رۆژانی داهاتوو 3 تا 5 پلە دادەبەزن”.
