ئەندامێكی دەستەی داكۆكی لە مامۆستایان و فەرمانبەران رایدەگەیەنێت، سوورین لەسەر ئەوەی دەبێت تەوتینی مووچە لە رێگای بانكەكانی رەشید و رافیدەینەوە بێت.
نەجمەدین محەمەد، ئەندامی دەستەی داكۆكی لە مامۆستایان و فەرمانبەران لە لێدوانێكدا بە تۆڕی میدیایی ئێستای راگەیاند، سوورین لەسەر جێبەجێكردنی بڕیاری دادگای فیدراڵیی عێراق بۆ تەوتینكردنی مووچەی مووچەخۆرانی هەرێم و لە ساڵی نوێدا فشارەكانمان چڕتردەكەینەوە.
وتیشی، “دەبێت مووچەكانمان تەنها لە رێگای بانكەكانی رەشید و رافیدەینەوە بێت و تەوتینكردنی مووچە لە بانكی ئەهلی بە هەموو شێوەیەك رەتدەكەینەوە و پێویستە پلەبەرزكردنەوەی مامۆستایان و فەرمانبەران دەستپێبكاتەوە”.
