یانەی مانچستەر سیتیی ئینگلیزی، هەوڵەکانی بە ئاراستەی کریستۆفەر نکونکوی هێرشبەری یانەی لایپزیک چڕکردووەتەوە.
نکونکو لەم وەرزەدا بە درێسی یانەی لایپزیکەوە ئاستێکی ناوازەی پێشکەشکردووە، ڕۆژنامەی بێلد سپۆرتی ئەڵمانی لەو بارەیەوە نووسیویەتی، یانەکانی یوڤانتۆس، پاریس سان جێرمان، ڕیاڵ مەدرید خواستیان لەسەر هێرشبەرە فەرەنسییەکە پیشانداوە، بەڵام هیچ هەنگاوێکی فەرمییان نەناوە.
لەبەرامبەردا یانەی مانچستەر سیتی هەوڵەکانی بۆ قایلکردنی یاریزانەکە و یانەی لایپزیک دەستپێکردووە، پێشەنگی لە یانە داواکارەکانی دیکە گرتووە و مكوڕن لەسەر واژووکردنی بۆندەکە، بە ئەگەرێکی زۆریشەوە لە زستان، یاخود هاوینی 2022 نرخی شکاندنی بۆندەکەی پێشکەشدەکەن کە دەگاتە سنووری 50 ملیۆن یورۆ.
نکونکو لەم وەرزەدا (2021-2022)، لە 17 یاریی سەرجەم خول و پاڵەوانێتییەکان بە درێسی لایپزیکەوە بەشداریکردووە، 11 گۆڵی تۆمارکردووە و حەوت گۆڵی بۆ هاوڕێکانی ڕەخساندووە.
