ڕۆژنامەنووسێكی باشووری كوردستان، كە لەنێو كۆچبەرانی كوردستانیدایە لە بیلاڕوسیا، ناچاربوونی كۆچبەران بە بڕینەوەی دار ئاشكرادەكات بۆ خۆگەرمكردنەوە و دروستكردنی كوخ.
ئاكۆ مەجید، كە ڕۆژنامەونووسێكی هەرێمی كوردستانە و وەك كۆچبەر ڕوویكردووەتە دەرەوە و لەئێستادا لەنێو كۆچبەرانی سەر سنوورەكانی بیلاڕوسیا و پۆڵەندایە، لە تۆڕی كۆمەڵایەتیی فەیسبووك نووسیویەتی، “ئەگەر ڕەوشی کۆچبەران بە نادیاری بمێنێتەوە، کارەساتی سروشتی ڕوودەدات، ئەو کۆچبەرانە لەبەر نالەباریی کەشوھەوا بەناچاری دارەکان دەبڕنەوە”.
ڕۆژنامەنووسەكە دەڵێت، كۆچبەران بۆ خۆگەرمکردنەوە داری ووشک بەكاردەهێنن، بۆ دروستکردنی کوخیش ناچارن داری باریک و تەڕ ببڕنەوە.
بەڵام دووپاتیشیكردووەتەوە، “ھەموومان لە خەمی سروشتداین، ئەوەی ڕوودەدات ناچارییە، تکایە پێشی کۆچبەران بکەنەوە”.
