یەكێتیی تۆپی پێی جیهان كات و شوێنی ئاهەنگی دابەشكردنی خەڵاتەكانی زە بێستی ئاشكراكرد.
بڕیارە 17ی كانونی دووەمی ساڵی داهاتوو، لە زیورخی سویسرا، ئاهەنگی دابەشكردنی خەڵاتەكانی زە بێست ڕێكبخرێت.
22ی ئەم مانگە دەنگدان بۆ دیاریكردنی باشترین یاریزانی جیهان دەستپێدەكات و 10ی كانونی یەكەم كۆتایی دێت.
بڕیارە لەداهاتوویەكی نزیكدا یەكێتیی تۆپی پێی جیهان لیستی ئەو یاریزانانە ئاشكرابكات، كە ڕكابەری لەسەر خەڵاتی زە بێست دەكەن.
زە بێست خەڵاتێكی ساڵانەیە، یەكێتیی تۆپی پێی جیهان دابەشی دەكات و ساڵانە باشترین یاریزانی جیهان لەسەر ئاستی پیاوان و ژنان، هەروەها باشترین ڕاهێنەری جیهان لەسەر ئاستی پیاوان و ژنان، باشترین گۆڵپارێز، بەرگریكار، ناوەڕاستكار و هێرشبەر دیاریدەكرێن.
