یەکێک لە وتەبێژەکانی تاڵیبان لە گفتوگۆیەکدا لەگەڵ کەناڵی تەلەڤزیۆنی “طلوع نیوز”ی ئەفغانی ڕایگەیاند، ئێستا تاڵیبان تەنها لە ئەفغانستان دەسەڵاتی هەیە، بەڵام دەبێت بزانرێت کە ئێران و پاکستان و چین و تاجیکستان دەکرێت جێگای ئێمە بێت.
ئەنعام اللە سمنگانی، وتەبێژی تاڵیبان لە گفتوگۆکەدا ڕایگەیاند، “مەلا هەیبەتوڵا ئاخونزادە، ئەمیری ئێمە، ئەمیری هەموو موسڵمانێکی جیهانە و ئێستا ئێمە کە دەسەڵاتمان نییە بەسەر ناوچەی دیکەدا ناتوانین خەڵکی بانگبکەین بۆ ئیمارەت”.
وتەبێژەکەی تاڵیبان ئەوەشی ئاشکراکردووە، ئەوان ئێستا ناکرێت جۆرێک مامەڵە بکەن کە وڵاتانی دراوسێ بکەنە دوژمنی خۆیان.
ئەم وتانەی ئەنعام اللە سمنگانی بۆ ئێران و وڵاتانی دیکەی نزیک لە ئەفغانستان جێگەی تێڕامانە و ڕۆژنامە و میدیاکانی ئێران ئەو وتەیە بە ترسناک دەبینن و پێیان وایە زەنگی ئاگادارکردنەوەیە.
بەشێک لە میدیاکانی ئێران نوسیویانە، “ئەو وتەبێژەی تاڵیبان نیەتی شومی تاڵیبانی سەبارەت بە دراوسێ و وڵاتانی دیکە ئاشکراکرد، کە ئەگەر دەسەڵاتیان هەبێت ئەوا دەستوەردان دەکەن لە کاروباری وڵاتانی دیکەدا”.
ئەگەر یەکلایی بێتەوە کە ئەو بۆچوونەی وتەبێژەکەی تاڵیبان بۆچوونی تاڵیبانە، ئەوا ڕەنگە ئەفغانستان توشی پشێوی زیاتر ببێت، چونکە تا کێشەی ناوخۆی هەبێت ڕەنگە تاڵیبان کاتی بۆ بەکرداریکردنی ئەو بۆچوونە نەبێت.
اظهارات عجیب انعامالله سمنگانی از سخنگویان #طالبان در گفتگو با برنامه تلویزیونی در خصوص امیرالمؤمنین #افغانستان! pic.twitter.com/tlPXntfEur
— خبرآنلاين (@khabaronlinee) September 20, 2021
