حەشدی شەعبی دەستگیركردنی دوو سەركردەی داعشی ڕاگەیاند كە بەرپرسی كەتیبەی ئەندازیاریی سەربازیی ڕێكخراوەكە بوون.
لە ڕاگەیەندراوێكدا حەشدی شەعبی ئاماژەی بەوەكردووە، بەهاوكاری هێزە ئەمنییەكان لە باكووری بەغداد دوو بەرپرسی داعشیان دەستگیركردووە، كە بەرپرس بوون لە بەشی ئەندازیاری و بەتایبەت كاریان لەسەر ئامادەكردن و تەقاندنەوەی بۆمبی چێندراو كردووە لە بەغداد.
حەشدی شەعبی باسی لەوەشكردووە، هەوڵەكانیان بۆ لەناوبردنی داعش و پاشماوەكانی بەردەوامی هەیە.
