بزوتنەوەی تاڵیبان ڕایگەیاند، دوانیوەڕۆی ئەمڕۆ هەینی، شاندێكی فەرمیی ئیمارات دەگاتە كابول و وتووێژ لەگەڵ بزوتنەوەكەدا دەكات.
ئەحمەدوڵڵا واسق، وتەبێژی بزوتنەوەی تاڵیبان لە تویتێكدا ڕایگەیاند، “پاش كەمێكی تر، فڕۆكەیەكی ئیماراتی لە فڕۆكەخانەی كابول دەنیشێتەوە و چەند گەورە بەرپرسێكی ئیماراتی عەرەبی هەڵگرتووە و دێن بۆ وتووێژ لەگەڵ سەركردەكانی تالێبان دا”.
لە دوو ڕۆژی ڕابردوودا، دوو فڕۆكەی قەتەڕی لە كابول نیشتنەوە و لەلایەن شارەزایانی توركیا و قەتەڕەوە ئامادەكاری دەكرێت بۆ بەگەڕخستنەوەی فڕۆكەخانەی كابول داوی ئەوەی هێزەكانی ئەمریكا لە ئەفغانستان كشانەوە.
بەگوێرەی زانیارییەكان، ئەمڕۆ هەینی بزوتنەوەی تاڵیبان ئیمارەتێكی ئیسلامی لە ئەفغانستان ڕادەگەیەنێت.
