لە یەمەن هەورەبروسەكە لە ماڵێكی داوە كە ئاهەنگێكی ژنانەی هاوسەرگیری تیابووە و بەهۆیەوە دوو ژن گیانیان لەدەستداوە و 30ی دیكەش برینداربوون.
بەپێی ئاژانسەكان ڕووداوەكە لە گوندی ئەقمەر سەر بە شاری میفعە عنس ڕوویداوە و لە ئاكامیدا دوو ژن گیانیان لەدەستداوە و نزیكەی 30ی دیكە برینداربوون، كە برینی یەكێكیان مەترسیدارە و بۆ نەخۆشخانە گوازراونەتەوە.
هەورەبروسەكەیەكی دیكە بۆسەر گوندێكی دیكەی هەمان ناوچە برینداربوونی سێ كەسی لێكەوتووەتەوە.
هەینی ڕابردووش هەورەبروسەكە بووە هۆی گیانلەدەستدانی سێ كەس و برینداربوونی سێی دیكە، لەكاتێكدا گروپێك لە گەڕانێكی گەشتیارییدا بوون لە ناوچەی سماد-ی سەر بە پارێزگای زاڵع لە ناوەڕاستی یەمەن.
س: سپۆتنیك + RT
