هاوڵاتییەکی خەڵکی گوندێکی مەریوان، لە کاتی لەوەڕاندنی ئاژەڵەکانیدا لەلایەن هێزە ئەمنییەکانی سنوری ئێرانەوە تەقەی لێکراوە و ڕاستەوخۆ کوژراوە.
هاوڵاتییە کوردەکە، خەڵکی گوندی ئەسکۆڵە لە سنوری هەرێم و ڕۆژهەڵاتی کوردستان و بەپێی وتەی ڕێکخراوەکانی مافی مرۆڤ بێ ئاگادارکردنەوە تەقەی لێکراوە.
هاوڵاتییە شوانکارەکە ناوی محەمەد حسێنییە و تەمەنی 23 ساڵ بووە، بۆ لەوەڕاندنی ئاژەڵەکانی لە گوندەکەی خۆی دوورکەوتووەتەوە، بەڵام لەلایەن هێزە ئەمنییەکانی ئێرانەوە تەقەی لێکراوە و کوژراوە.
کوشتنی ئەو هاوڵاتییە شوانکارەیە، هاوکاتە لەگەڵ دەستڕێژی گولـلەی هێزە ئەمنییەکان لە شاخی تەتە، لە چەند کۆڵبەرێک، کە بەهۆی دەستڕێژەکەوە، کۆڵبەرێکی خەڵکی سەوڵاوا، تەمەن 40 کوژراوە.
