وەزارەتی تەندروستیی هەرێمی کوردستان ئاماری 24 کاتژمێری ڕابردووی توشبوون و گیانلەدەستدانی بە کۆرۆنا بڵاوکردەوە و ڕایگەیاند 440 توشبوون و 717 چاکبوونەوە تۆمارکراون.
لە ڕاگەیەندراوی ڕۆژانەیدا وەزارەتی تەندروستیی هەرێمی کوردستان ڕایگەیاند، 68 کەس لە هەولێر توشی کۆرۆنابوون، لە سلێمانی 166 کەس، دهۆک 180 کەس، هەڵەبجە شەش کەس , لە گەرمیان 15 کەس و ڕاپەڕین پێنج کەس تووشی کۆرۆنا بوون.
هەروەها لە شەو و ڕۆژی ڕابردوودا 717 کەس چاکبوونەتەوە و پێنج کەسیش گیانیان لەدەستداوە کە چواریان لە هەولێر و کەسێکیان لە گەرمیان بووە.
بەپێی ئامارە گشتییەکانی وەزارەتی تەندروستیی هەرێمی کوردستان تائێستا 174 هەزار و 311 کەس تووشی کۆرۆنا بوون، لەو ژمارەیە 161 هەزار و 896 کەس چاکبوونەتەوە و چوار هەزار و 331 کەسیش گیانیان لەدەستداوە.
