بەپێی ئامارێکی تەندروستیی چەمچەماڵ لەماوەی نۆ مانگدا نزیکەی 3 هەزار منداڵ لە سنووری قەزای چەمچەماڵ لە دایکبوون و لەو ژمارەیەش هەزار و 396 منداڵیان کچ بوون.
لە ئامارێكدا بەڕێوبەرایەتیی گشتیی تەندروستیی چەمچەماڵ ڕایگەیاندووە، “لە نۆ مانگەدا لەو سنوورە 2 هەزار و 842 منداڵ لەدایکبوون و لەو ژمارەیەش 2 هەزار و 23 حاڵەتیان بە سروشتی لەدایکبوون”.
تەندروستیی چەمچەماڵ ئاماژەی بەوەشکردووە، لەو ژمارە لە دایکبوونە تەنها 819 دایک بۆ لەدایکبوونی منداڵەکانیان پەنایان بۆ نەشتەرگەری بردووە.
ئامارەکە ئاماژە بەوەدەکات، لە 2 هەزار و 842 منداڵی لە دایکبوو و هەزار و 446 منداڵیان کوڕ بوون و هەزار و 396 یان کچ بوون.
بەپێی ئەو ئامارە لەو نۆ مانگەدا 13هەزار و 270 ژن سەردانی نەخۆشخانەکەیان کردووە و 17946 پشکنین و 1815 سۆنار بۆ ئەو کەسانە کراوە کە سەردانیان کردوە جگە لەئەنجامدانی 372 نەشتەرگەری و چارەسەری تر لەو ماوەیەدا.
