كۆمسیۆنی باڵای سەربەخۆی ھەڵبژاردنەكان لقی سلێمانی دەرفەتی كاركردن وەك كارمەند لە رۆژی دەنگدان بۆ هەڵبژاردنی پەرلەمانی كوردستان بۆ فەرمانبەران و دەرچووانی زانكۆ و پەیمانگاكان رادەگەیەنێت و لە سبەینێوە دەتوانرێت داواكاریی پێشكەشبكرێت.
كۆمسیۆنی باڵای سەربەخۆی ھەڵبژاردنەكان لقی سلێمانی لە راگەیەندراوێكدا دەڵێت،” دەرفەتی كاركردن وەك كارمەند لە رۆژی دەنگدانی هەڵبژاردنی پەرلەمانی كوردستان بۆ فەرمانبەران و دەرچووانی زانكۆ و پەیمانگاكان رادەگەیەنرێت و لە سبەینێوە دەتوانرێت داواكاریی پێشكەشبكرێت”.
ئاماژە بۆ ئەوەش كراوە، دەتوانرێت داواكاری لە پارێزگاكانی ھەولێر، سلێمانی و دهۆك پێشكەشبكرێت كە سەرجەم فەرمانبەرانی حكومی جگە لە كارمەندانی سەربازی و ھێزە ئەمنییەكان و خوێندكارانی زانكۆ و پەیمانگاكان و دەرچووان دەتوانن داوكاری پێشكەشبكەن و لە هەمانكاتدا پێویستە دەرچووان ھەڵگری بڕوانامەی دبلۆم كەمترنەبێت.
