كەشناسیی هەرێم ڕەوشی كەشوهەوای بڵاوكردەوە، ئەمڕۆ ئاسمان نیمچە هەور دەبێت و سبەی ئەگەری بارانبارین هەیە.
لە ڕاگەیەندراوێكدا بەڕێوبەرایەتیی گشتیی كەشناسی و بومەلەرزەزانیی هەرێم ڕایگەیاندووە، ئەمڕۆ یەكشەممە 14ی ئازار، ئاسمانی زۆربەی شارەكانی هەرێم نیمچە هەور دەبێت.
سەبارەت بە ڕەوشی كەشوهەوای سبەی دووشەممە، كەشناسیی هەرێم پێشبینیكردووە، لە هەرێمی كوردستان بە گشتی و لە سنووری پارێزگاكانی هەولێر و سلێمانی بەتایبەتی، ئاسمان نیمچە هەور و هەوری تەواو بێت و لە ناوچە شاخاوییەكان ئەگەری بارانبارین هەیە.
ئاماژەی بەوەشكردووە، هەرچەندە سبەی ئەگەری بارانبارین هەیە، بەڵام پلەكانی گەرما یەك بۆ دوو پلە بەرز دەبنەوە.
