كەشناسیی هەرێم ڕەوشی كەشوهەوای ئەمڕۆ و سبەی بڵاوكردەوە، ئەمڕۆ ئاسمان ساماڵ و نیمچە هەور دەبێت و سبەی خێرایی با زیاد دەكات و تۆز و خۆڵ ڕوو لە هەرێم دەكات.
بەگوێرەی ڕاگەیەندراوێكی بەڕێوبەرایەتیی كەشناسی و بومەلەزرەزانیی هەرێم، ئەمڕۆ چوارشەممە 10ی ئازار، ئاسمانی بەشێك لە شارەكانی هەرێم ساماڵ دەبێت و دواتر دەگۆڕێت بۆ پەڵە هەور، هەندێك ناوچەش دەگۆڕێت بۆ هەوری تەواو.
سەبارەت بە ڕەوشی كەشوهەوای سبەی پێنجشەممە كەشناسیی هەرێم پێشبینی كردووە، خێرایی با شێوەیەكی بەرچاو زیاد بكات و تۆز و خۆڵیش ڕوو لە چەند ناوچەیەكی هەرێم بكات.
پێشبینی ئەوەش كراوە، سبەی لە بەشێك لە شارەكانی هەرێم و ناوچە شاخاوییەكان باران بارین دەستپێبكات.
