کۆگایەكی تەقەمەنی لە تاسڵوجە كە سەربە هێزەكانی 70ی پێشمەرگەیە تەقیووەتەوە، تا ئێستا زیانی گیانی بەدواوە نەبووە و هۆكاری ڕوداوەكەش نەزانراوە.
ئەمڕۆ یەكشەممە 4ی تشرینی یەكەم، ئەحمەد لەتیف، بەرپرسی ڕاگەیاندنی هێزەکانی 70ی پێشمەرگە بە تۆڕی میدیایی ئێستای وت، “ئەو كۆگایە سەربە هێزەكانی ئێمەیە، بەیانی ئەمڕۆ تەقیووەتەوە و تا ئێستاش هۆكارەكەی نەزانراوە”.
ئەحمەد لەتیف ئەوەشی ڕاگەیاند، “كۆگاكە تەقەمەنی تێدابووە و لەئێستاشدا لە هەوڵی كۆنتڕۆڵكردنی ئەو ئاگرەین كە بەهۆی تەقینەوەكەوە كەوتووەتەوە، كۆگاكەش تەقەمەنی تێدابووە”.
سەبارەت بە زیانەكان بەرپرسی ڕاگەیاندنی هێزەکانی 70 وتی، هیچ زیانێكی گیانی نەبووە.
