زینەدین زێدانی فەرەنسی ڕاهێنەری یانەی ڕیاڵ مەدرید، فشاری دروستکردووە بۆ گواستنەوەی کیلیان مباپێی هاونیشتیمانی و هۆشداریشی بە ڕافائێل ڤاران داوە.
تۆڕی “ئەی بی سی” ئیسپانی ئاشکرایکردووە، کە زێدان لەسەر ئاستی یاریزانە فەرەنسیەکان لە ڕیاڵ مەدرید گۆڕانکاری گەورە ئەنجامدەدات، سەرەتا داوای لە ئیدارەی یانەکەی کردووە بەهەر شێوەیەک لە میرکاتۆی هاوینی 2021 کیلیان مباپێی بۆ دابین بکەن.
بەپێی سەرچاوەکە، پەیوەندی نێوان ئاسکە فەرەنسیەکە و زێدان بۆ ئەوکاتە دەگەڕێتەوە کە یاریزانەکە تەمەنی 13 ساڵ و زێدان لە ڕیاڵ مەدرید بەڕێوبەری پەیوەندییەکان و ڕاویژکاری فلۆرنتینۆ پێرێز بووە.
لەلایەکی دیکەوە، “زیزۆ” هۆشداری بە ڕافائێل ڤارانی بەرگریکاری پێکهاتەکەیداوە، کە بابەتی نوێکردنەوەی بۆندەکەی درێژەی کێشاوە، پێشی ڕاگەیاندووە، ئەگەر تاوەکو مانگی حوزەیران بۆندەکەی نوێنەکاتەوە بەخێرایی تێکەڵ بە لیستی فرۆشراوان دەکرێت.
جموجۆڵەکانی “زیزۆ” دەچێتە چوارچێوەی ئەو نوێکارییەی کە فلۆرنتینۆ پێرێز و هاوکارانی بە نیازن لە گواستنەوەکانی هاوینی 2021 ئەنجامیبدەن.
