ئەمشەو، چوارشەممە یانەی بەرشلۆنە یاری چوونی قۆناغی نیوەی کۆتایی جامی شای ئیسپانیای بەرانبەر ئیشبیلیە ئەنجامدا و دۆڕاندنیان تۆمارکرد.
بەرشلۆنە لە یاریگای سانچێز پێزخوان بووە میوانی ئیشبیلیە و یارییەکە بە ئەنجامی دوو گۆڵی بێوەڵام لە بەرژەوەندی ئەندەلوسیەکان کۆتاییهات.
گۆڵەکان لە خولەکەکانی 25 و 85 بەپێیەکانی جول کوندی بەرگریکار و ئیڤان ڕاکیتیچی ناوەندکاری کرواتی تۆمارکران.
https://streamable.com/ttyn69
سەرەڕای ئەوەی لە کۆتا ساتەکاندا مێسی و هاوەڵانی هەوڵی بێوچانیاندا ئەنجامەکە هاوتا بکەنەوە، یاخود بەلایەنی کەمەوە گۆڵێک تۆماربکەن بۆ ئاسانکردنی ئەرکیان لە یاریی گەڕانەوە کە بڕیارە مانگی داهاتوو لە یاریگای کامپ نو ئەنجامبدرێت، بەڵام سەرکەوتوو نەبوون و یارییەکە بەهەمان ئەنجام (2-0) لە بەرژەوەندی ڕاکیتیچ و هاوەڵانی کۆتاییهات.
بەپێی ئەنجامە تۆمارکراوەکە، ئیشبیلیە فراوانی بەرەو یاری کۆتای خولەکە ناوە، یانەی بەرشلۆنە ناچاردەبێت لە یاریگای خۆیدا بە ئەنجامی دوو گۆڵ و زیاتر هەوڵی گەڕانەوە بدات.
