داواکارییەکانی حەج 45 هەزار کەسی تێپەڕاند و وتەبێژی حەج و عومرەی هەرێمی کوردستانیش ڕایدەگەیەنێت، ڕۆژی 5ـی ئاب کۆتا مۆڵەتە و چیتر وادەی ناونووسین درێژناکرێتەوە.
وتەبێژی حەج و عومرەی هەرێمی کوردستان بە تۆڕی میدیایی ئێستای ڕاگەیاند، تاوەکو ئەمڕۆ زیاتر لە 45 هەزار داواکاری لەلایەن هاووڵاتییانەوە بۆ ئەنجامدانی فەریزەی حەج تۆمارکراون.
ئەوەشی خستەڕوو، پڕۆسەکە لە سەرجەم شار و ئیدارە سەربەخۆکان بە شێوەیەکی ئاسایی بەردەوامە، کاتی کۆتاییهاتنیشی ڕۆژی چوارشەممە، 5ـی ئابی 2026ە، کاتژمێر 12ی شەوە.
