فازل حاجی رایدەگەیەنێت، “ئەو پشووەی راگەیەندراوە بۆ گەشت و سناپ کردن نییە و دەبێت لە ماڵەکانتان بمێننەوە”.
لە بڵاوکراوەیەکدا فازل حاجی، وتەبێژی بەڕێوەبەرایەتیی هاتوچۆی هەولێر ئاماژە بەوە دەکات، “ئەو پشووەی کە بۆ سبەینێ ڕاگەیەندراوە بۆ ئەوەیە لە ماڵەکانتان بمێننەوە و لە حاڵەتی زۆر پێویست نەبێت نەیەنە دەرەوە، چونکە بەپێی پێشبینیەکانی کەشناسی چەقی بارانە بەخۆڕەکە لە کاتژمێر 6ی بەیانی تاکو کاتژمێر 10 بەیانیە، واتا بۆ گەشت و سناپ کردن و هاتنەسەر شەقام نییە”.
دەشڵێت، “مانەوەتان لە ماڵەکانتان بێجگە لەوەی سەلامەتتان دەکات، ڕێگریش دروستناکات بۆ تیمەکانی فریاگوزاری و خودای گەورە هەمو لایەک بپارێزێت”.
