مەفرەزەکانی بنکەی پۆلیسی سەرچناری سەر بە بەڕێوەبەرایەتیی پۆلیسی سلێمانی تۆمەتبارێکیان دەستگیرکرد کە لەبەردەم یەکێک لە ئامێرەکانی ڕاکێشانی پارە، بە فێڵ بڕێک پارەی مووچەی لە خانەنشینێک سەندبوو.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هاوڵاتییەک سكاڵای تۆماركرد كە کەسێک بە فێڵ بڕێک پارەی مووچەکەی لە کاتی وەرگرتنیدا لە بەردەم ئامێری ڕاکێشانی پارە، لێسەندووە، بڕیاری دادوەری لێکۆڵینەوەی بۆ وەرگیرا و هێزەكانی پۆلیس لێكۆڵینەوە و بەدواداچوونەكانیان دەستپێكرد، سەرئەنجام توانرا لەلایەن مەفرەزەكانی بنکەی پۆلیسی سەرچنارەوە تۆمەتبار بدۆزرێتەوە و دەستگیربكرێت.
ئەوەشی خستەڕوو، لە ئێستادا تۆمەتبار بە بڕیاری دادوەر و بەپێی ماددەی 456 لە یاسای سزادانی عێراقی ڕاگیراوە.
