ئەندامێکی ئەنجومەنی نوێنەرانی عێراق ئاشکرایدەکات، پارەی هەموو ئەو بەنزینەی کە لە پاڵاوگەکانی کار و لاناز دەپاڵێورێت دەخرێتە هەژمارێکەوە کە لە سەرۆکی حکومەتەوە نزیکە.
کاوە عەبدولقادر، ئەندامی ئەنجومەنی نوێنەرانی عێراق ڕایگەیاند، بە بڕیاری وەزیری سامانە سروشتییەکانی هەرێمی کوردستان، هەموو ئەو بەنزینەی کە لە پاڵاوگەکانی کار و لاناز دەپاڵێورێت، بە 580 دینار دەدرێتە کۆمپانیایەک بە ناوی (بزنس یۆنیکۆر)، ئەو کۆمپانیایەش هەر ڕۆژێک بە دڵی خۆی نرخی بەنزین دادەنێت.
وتیشی، ئێمە دەزانین ئەو کۆمپانیایە لە دەسەڵاتەوە نزیکە و حزبییە، داهاتی کۆمپانیاکەش دەچێتە هەژمارێکەوە لە RT بانک، ئەمەش جێگەی پرسیارە، چونکە پارەکە دەخرێتە بانکێکەوە کە ئەهلییە و لە سەرۆکی حکومەتی هەرێمی کوردستانەوە نزیکە!
