دەستلەكاركێشانەوەی پەرلەمانتار كازم فاروق لە پەرلەمانی كوردستان لەلایەن بریكارەكەیەوە پێشكەشكرا.
ئەختەر ئەحمەد، بریكاری گشتیی كازم فاروق ئەندامی پەرلەمانی كوردستان لە یاداشتێكدا كە ئەمڕۆ ئاراستەی سەرۆكایەتیی پەرلەمانی كوردستانی كردووە، دەستلەكاركێشانەوەی ئەو پەرلەمانتارەی راگەیاندووە.
بریكارەكە هۆكاری داواكارییەكەی بۆ تەواوبوونی تەمەنی یاسایی پەرلەمان گەڕاندووەتەوە، كە ئەمڕۆ 6ی تشرینی دووەم كۆتایی دێت.
لە كاتێكی پێشتری ئەمڕۆدا 12 ئەندامی پەرلەمان كە پێكدێن لە حەوت ئەندامی فراكسیۆنی كۆمەڵی دادگەری و (عەلی حەمەساڵح، شیرین ئەمین، دابان محەمەد و ئاشنا عەبدوڵا) لە فراكسیۆنی گۆڕان و دیاری ئەنوەر پەرلەمانتاری سەربەخۆ پێكەوە كشانەوە و بایكۆتكردنی پەرلەمانیان راگەیاند.
