ئەمیندارێتی گشتیی لوتکەی قاهیرە بۆ داهێنان و کاریگەری، هەڵبژاردنی ڕێبوار تەهای وەک باشترین پارێزگار لەسەر ئاستی عێراق بۆ ساڵی 2025 ڕادەگەیەنێت.
لە ڕاگەیەندراوێکی ئەمیندارێتی گشتیی لوتکەی قاهیرە بۆ داهێنان و کاریگەریدا هاتووە، کە هەڵبژاردنی ڕێبوار تەها دوای هەڵسەنگاندنێکی پیشەیی ورد هاتووە، کە تێیدا دەرکەوتووە ناوبراو مۆدێلێکی ئیداریی بێوێنەی لەسەر بنەمای میانڕەوی و هاوسەنگی پێشکەش کردووە، هەروەها توانیویەتی بە حیکمەتەوە ئیدارەی کەرکوک بدات کە پێکهاتە جیاوازەکانی کورد، عەرەب، تورکمان و مەسیحی تێدایەو دوور لە لایەنگیری سیاسی و نەتەوەیی، کار بۆ بەهێزکردنی ئاشتیی کۆمەڵایەتی و سەقامگیری بکات.
جێی ئاماژەیە، لوتکەی قاهیرە سەکۆیەکی عەرەبی پێشەنگە بۆ خەڵاتکردنی داهێنەران لە بوارەکانی کارگێڕی و گەشەپێدان، لە خولی ئەمساڵیدا کە لە مانگی تەمموز بەڕێوەدەچێت، کەسایەتی و دامەزراوەی جیاواز لە عێراق و وڵاتانی سعودیە، ئیمارات، میسر، بەحرەین، تونس و عومان تێیدا بەشداردەبن.
